العائد على الأصول (ROA) – عائد الاستثمار بالنسبة لأصول الشركة
![العائد على الأصول (ROA)](https://bashmohasb.com/wp-content/uploads/2023/11/العائد-على-الأصول-ROA.jpg)
العائد على الأصول “Return on Assets” هو النسبة بين صافي الدخل واللي بيمثل كمية الدخل المالي والتشغيلي اللي الشركة حققته خلال السنة المالية، ومتوسط إجمالي الأصول اللي بتمتلكها الشركة، لتحليل مقدار العائدات المنتجة على إجمالي الاستثمار في الشركة. مثلا عائد أصول شركة “جنرال موتورز” (5.21%) أكبر من شركة “فورد” (3.40%) للسنة المالية 2016، ايه معنى ده؟ ده مرتبط بأرباح الشركة بالنسبة لكل رأس المال المستثمر، في التدوينة دي هنتكلم عن العائد على الأصول (ROA) بالتفصيل.
العائد على الأصول هو مقياس نهائي لكفاءة الإدارة في استخدام الموارد المتاحة.
بيتر دراكر
إقرأ المزيد: التحليل المالي بإستخدام النسب المالية – تحليل القوائم المالية
في البداية
لما بنحسب نسبة دوران الأصول، بناخد في الاعتبار صافي المبيعات أو صافي الإيرادات، لكن معرفة الإيرادات مش دايمًا بتكون مؤشر كويس على النجاح، مثلا في شركات كتير بتحقق إيرادات كويسة، بس ممكن ما يكونش في أي ربح مقارنة بالمصروفات، فلو هنقارن صافي الإيرادات بإجمالي الأصول، هنكون محليناش مشكلة المستثمرين اللي عايزين يستثمروا في الشركة.
وليكن هناخد مثال شركة “Box” خلينا نشوف نسبة دوران أصولها، للأسف النسبة دي مش بتعرفنا حاجات كتير عن أداء الشركة.
![العائد على الأصول (ROA)](https://www.bashmohasb.com/wp-content/uploads/2023/10/مثال-عملي-علي-العائد-على-الأصول-ROA.jpg)
لكن لما نشوف نسبة عائد الأصول لشركة “Box” بنلاحظ إنها كانت سالبة، ده معناه إن الشركة مش قادرة تحقق عائدات بالنسبة لرأس المال اللي استثمرته.
![العائد على الأصول (ROA)](https://www.bashmohasb.com/wp-content/uploads/2023/10/مثال-عملي-على-العائد-على-الأصول-ROA.jpg)
فهم مقدار الإيرادات اللي شركة ممكن تحققه بإستخدام أصولها مش مقياس سهل، لازم يكون في حاجة أكتر دقة، والدقة موجودة في نسبة العائد على الأصول.
معادلة العائد على الأصول (ROA)
العائد على الأصول = الأرباح قبل الضرائب والفوائد EBIT / متوسط إجمالي الأصول
- في آراء مختلفة عن الرقم اللي بيكون في البسط في النسبة دي، البعض بياخد صافي الدخل في البسط، وفي ناس بتاخد الـ”EBIT” لو مش عايزين ياخدوا في الاعتبار الفوائد والضرائب.
- الأفضل إنك تاخد في الاعتبار الـ”EBIT” لإن الرقم ده قبل الفوائد والضرائب، وكمان لما بنقارنه بالمقام اللي هو إجمالي الأصول، بنراعي حملة الأسهم وحملة سندات الدين، قسمة صافي الدخل على متوسط إجمالي الأصول ممكن تكون مقارنة غير صحيحة بسبب البسط، صافي الدخل هو العائد المنسوب لحملة الأسهم، وإجمالي الأصول بياخد في الاعتبار كل من الأسهم والسندات، بالشكل ده احنا بنقارن تفاح ببرتقال.
هنتكلم عن متوسط إجمالي الأصول، ايه اللي هتاخده في الاعتبار وأنت بتحسب قيمة متوسط إجمالي الأصول؟
هتشمل كل حاجة قادرة على تحقيق قيمة للشركة لأكتر من سنة، يعني كل الأصول الثابتة وفي نفس الوقت وكمان الأصول اللي ممكن تحولها بسهولة لنقدية، يعني هناخد الأصول المتداولة وكمان الأصول غير الملموسة اللي عندها قيمة بس غير مادية زي الشهرة، مش هناخد في الاعتبار الأصول الوهمية (زي مصروفات الدعاية للبيزنس والخصم المسموح بيه عند إصدار الأسهم والخسارة الناشئة عن إصدار السندات) وبعدين هناخد الرقم في بداية السنة ونهاية السنة ونجيب متوسط إجمالي الأصول.
التفسير
- لو خدنا الـ”EBIT” لحساب نسبة عائد الأصول للشركة، دا هيدينا صورة متكاملة عن الشركة، وتفسير النسبة دي هيكون أكتر شمولية.
- مثلا لو المستثمرين لاحظوا إن نسبة عائد الأصول لشركة كانت أكتر من 20% خلال الـ5 سنين اللي فاتت، هل بتتوقع إن ده دليل كويس للاستثمار في الشركة للمستقبل؟ الجواب أكيد أيوة، أحسن بكتير تستثمر في شركة ثابتة من شركة بتحقق أرباح متقلبة خلال السنين.
- ببساطة ممكن نقول إن الزيادة في نسبة عائد الأصول معناها إن الشركة بتستغل أصولها بشكل أحسن للحصول على العائدات، والنقص معناه إن الشركة لسه فيها مجال للتحسن والشركة محتاجة تقلل شوية من المصاريف أو تغير بعض الأصول القديمة اللي بتاكل من أرباح الشركة.
مثال علي حساب العائد علي الأصول
التفاصيل | شركة A | شركة B |
---|---|---|
الربح التشغيلي – EBIT | 10000 | 8000 |
الضرائب | 2000 | 1500 |
الأصول في بداية العام | 13000 | 14000 |
الأصول في نهاية العام | 15000 | 16000 |
هنعمل الحسابات عشان نعرف نسبة عائد الأصول للشركتين:
- بما إن معانا الربح التشغيلي والضرائب، يبقى لازم نحسب صافي الدخل للشركتين.
- وبما إن عندنا قيمة الأصول في بداية السنة ونهايتها، يبقى لازم نحسب متوسط الأصول للشركتين.
التفاصيل | شركة A | شركة B |
الأصول في بداية العام (A) | 13000 | 14000 |
الأصول في نهاية العام (B) | 15000 | 16000 |
إجمالي الأصول (A + B) | 28000 | 30000 |
متوسط الأصول [(A + B)/2] | 14000 | 15000 |
دلوقتي يلا نحسب عائد الأصول للشركتين.
شركة A | شركة B | |
EBIT أو الربح التشغيلي (X) | 10000 | 8000 |
متوسط الأصول (Y) | 14000 | 15000 |
ROA أو العائد على الأصول (Y/X) | 0.75 | 0.53 |
لشركة “A” نسبة عائد الأصول هي 75%، النسبة دي مؤشر قوي للنجاح، ولو شركة “A” كانت بتحقق أرباح في حدود 40-50%، المستثمرين هيحطوا فلوسهم في الشركة بسهولة، بس قبل ما يستثمروا أي حاجة، لازم يتأكدوا من الأرقام دي ويشوفوا تقاريرهم السنوية وهل في استثناءات أو نقاط خاصة مذكورة ولا لأ.
لشركة”B” نسبة عائد الأصول جيدة، يعني 53% عادة لما شركة بتحقق 20% أو أكتر بنعتبرها كويسة، وأكتر من 40% معناها إن الشركة كويسة أوي.
مثال – شركة Colgate
يلا نفهم النسبة من الناحية العملية، معانا صورة من الميزانية العمومية لشركة “Colgate”:
![العائد على الأصول (ROA)](https://www.bashmohasb.com/wp-content/uploads/2023/10/مثال-علي-العائد-علي-الأصول-شركة-Colgate.jpg)
معانا صورة من قائمة الدخل الخاص بشركة “Colgate”، هنلاحظ إننا محتاجين نستخدم “EBIT” لحساب العائد على إجمالي الأصول.
![العائد على الأصول (ROA)](https://www.bashmohasb.com/wp-content/uploads/2023/10/مثال-على-العائد-علي-الأصول-شركة-Colgate-1024x321.jpg)
هنحسب دلوقتي العائد على الأصول لشركة “كولجيت”:
نسبة العائد على الأصول لشركة كولجيت = العائد قبل الفوائد والضرائب / متوسط إجمالي الأصول
![العائد على الأصول (ROA)](https://www.bashmohasb.com/wp-content/uploads/2023/10/نسبة-العائد-على-الأصول-لشركة-كولجيت-1024x136.jpg)
انخفض عائد “كولجيت” على إجمالي الأصول من سنة 201، وفي الفترة الأخيرة انخفض لأدنى مستوى ليه لـ 21.9% ، ليه؟
![العائد على الأصول (ROA)](https://www.bashmohasb.com/wp-content/uploads/2023/10/نسبة-العائد-علي-الأصول-لشركة-كولجيت.jpg)
في سببين بيساهموا في الانخفاض ده، إما البسط يعني متوسط الأصول زاد بشكل كبير، أو صافي المبيعات في المقام قل بشكل كبير.
- في “كولجيت” لاحظنا إن إجمالي الأصول انخفض في 2015، الانخفاض في إجمالي الأصول المفروض بطبيعتة بيأدي لزيادة في نسبة عائد الأصول.
- ده بيخلينا نشوف رقم صافي المبيعات، من خلال التحليل الإداري لكولجيت، لاحظنا إن صافي المبيعات انخفضت بنسبة 7% في 2015.
- النقص ده في المبيعات بنسبة 7% أدى لنقص في عائد الأصول.
![العائد على الأصول (ROA)](https://www.bashmohasb.com/wp-content/uploads/2023/10/حساب-نسبة-العائد-علي-الأصول-لشركة-كولجيت-1024x108.jpg)
السبب الرئيسي لانخفاض المبيعات بيرجع للتأثير السلبي الناتج عن صرف العملات الأجنبية بنسبة 11.5% على الرغم من كدا، زادت المبيعات العضوية لـ”كولجيت” بنسبة 5% في عام 2015.
مثال – البنوك
في القسم ده هنشوف عدد من البنوك وعائدها على إجمالي الأصول لاستنتاج جودة أدائها المرتبطة بتحقيق الأرباح.
![العائد على الأصول (ROA)](https://www.bashmohasb.com/wp-content/uploads/2023/10/مثال-علي-العائد-على-الأصول-البنوك.jpg)
من الصورة اللي فوق، نقدر نقارن نسبة عائد الأصول لأكبر البنوك في العالم. “ويلز فارجو” بنسبة 1.32% هو اللي حقق أعلى عائد على الأصول، وأقل نسبة عائد على الأصول حققها “ميتسوبيشي المالية” بنسبة 0.27% كل البنوك التانية عائد أصولها ما بين 0.3% – 1.3%.
عشان نفهم البنوك وصلت فين لما نقارنها، ممكن ناخد متوسط ونقارن أداء كل بنك، احنا خدنا عائد الأصول لكل بنك، والمتوسط هو 0.9% يعني البنوك اللي أدائها أكتر من 0.9% بتأدى بشكل كويس.
العائد على الأصول مش مجرد رقم، لكن هو تعبير عن مدى جودة أداء الشركة بمواردها.
جاك ويلش
القيود
- لو فكرنا نستخدم صافي الدخل في حساب النسبة، الصورة مش هتبقى شاملة عشان بتشمل الضرائب والفوائد، لكن لو حسبنا الـ”EBIT” هيكون أفضل.
- الصناعات اللي بتعتمد كتير على الأصول مش هتنتج دخل كبير مقارنة بالصناعات اللي مبتعتمدش كتير على الأصول، مثلاً صناعة السيارات، عشان تنتج سيارات وتكسب، لازم تستثمر كتير في الأصول، يعني في حالة صناعة السيارات نسبة عائد الأصول مش هتكون كبيرة.
- لكن في حالة شركات الخدمات اللي الاستثمار في الأصول فيها قليل، نسبة عائد الأصول هتكون عالية جدًا.
مهم: أنواع تحليل النسب المالية – أهم 5 أدوات للتحليل المالي
الخلاصة
كمستثمر، لازم تعرف نسبة عائد الأصول قبل ما تستثمر في الشركة، بس لازم كمان تاخد في الاعتبار مقاييس تانية زي العائد على رأس المال المستثمر، النسبة الحالية، النسبة السريعة، تحليل دوبونت (DuPont).