التحليل الفني: إزاي تقرأ الرسوم البيانية وتستخدمها في تحليل السوق؟
![إزاي تقرأ الرسوم البيانية وتستخدمها في تحليل السوق؟](https://bashmohasb.com/wp-content/uploads/2023/11/إزاي-تقرأ-الرسوم-البيانية-وتستخدمها-في-تحليل-السوق.jpg)
مش عندنا قدرة إننا نتوقع السوق، فممكن نكسب فلوس في فترات ونخسر في فترات تانية، بس الحاجة الحلوة في التحليل الفني إن أنماط الرسم البياني بتاعته بتتكرر كتير، فلو عرفت تتعلم إزاي تعرف الأنماط دي وتعرف وقت بداية تكوينها، ممكن تاخد إشارات سعر الحاجة في المستقبل. بس خليك فاكر إن الأنماط دي مش مضمونة بأي شكل من الأشكال، ولازم تستخدمها بس كدليل على اتجاه السوق في المستقبل، فدورنا هنا إننا نعرفك إزاي تقرأ الرسوم البيانية وتستخدمها في تحليل السوق.
الرسوم البيانية هي لغة الأسواق المالية، ومن خلال قراءتها نقدر نفهم توجهات الأسعار واتخاذ قرارات استثمارية ناجحة.
جون ميرفي
إقرأ المزيد: البيع على المكشوف: دليل شامل للتداول في الأسواق المالية
القمم أو القيعان المزدوجة
القمم المزدوجة والقيعان المزدوجة هي عبارة عن نماذج في الرسوم البيانية بتشير للاتجاه اللي كان بيحصل في السوق وإنه هيتغير. القمم المزدوجة بتحصل لما يتم بيع حركتين متتاليتين للسهم لفوق، وده بينتج عنه نمط بيتكون من قمتين على الرسم البياني وخط رفيع بينهم اسمه “خط العنق”، ولما يتم اختراق الخط ده بيتأكد إن الاتجاه اللي كان موجود هيتغير.
في الوقت ده هتشوف فشل القمة التانية في اختراق الارتفاع الأول، وده بيدل إن الاتجاه الصاعد ممكن يكون انعكاسه حصل. لو كنت عايز تتداول بناءًا على النمط ده، الأفضل إنك تدخل تداولك القصير تحت خط الرقبة، لما النمط يتشكل بالكامل. خصوصًا لو كان في نمط تاني بيتشكل، زي “القمة الثلاثية” مثلا.
![التحليل الفني: إزاي تقرأ الرسوم البيانية وتستخدمها في تحليل السوق؟](https://www.bashmohasb.com/wp-content/uploads/2023/04/القمم-أو-القيعان-المزدوجة.jpg)
الحلو في تداول النمط ده إنك بتقدر تتوقع السعر اللي هينزل بعد ما يخترق خط العنق، يعني، هتقدر تحدد سعر مستهدف، بشكل عام، السعر هينزل بمسافة مساوية للمسافة من خط العنق لأعلى القمة. زي ما هو موضح باللون البنفسجي في الرسم البياني اللي فوق. أما القيعان المزدوجة بتشتغل بنفس الطريقة اللي القمة المزدوجة بتشتغل بيها، بس بالعكس، وبتشير إن الاتجاه النازل ممكن ينتهي ويحصل انعكاس باتجاه صعودي.
القمم أو القيعان الثلاثية
بتشتغل بنفس طريقة القيعان والذروات المزدوجة، الفرق بس، بلوغ السوق مستوى المقاومة أو الدعم 3 مرات قبل ما ينعكس.
![التحليل الفني: إزاي تقرأ الرسوم البيانية وتستخدمها في تحليل السوق؟](https://www.bashmohasb.com/wp-content/uploads/2023/04/القمم-الثلاثية.jpg)
![التحليل الفني: إزاي تقرأ الرسوم البيانية وتستخدمها في تحليل السوق؟](https://www.bashmohasb.com/wp-content/uploads/2023/04/القيعان-الثلاثية.jpg)
الرأس والكتفان
ده نمط تاني بيشبه القمة الثلاثية في اتجاه الانعكاس، بس المرة دي هتحصل على قمة (الكتف)، بعدين قمة (الرأس)، وبعدين قمة أدنى (كتف تاني). خط العنق بيتشكل بين القاعين الاتنين على جنب الرأس، لو خط العنق نزل تحت، كدة بيبقى دليل قوي إن في انعكاس جاي. ممكن تحسب مستوى الهدف من مسافة الرأس لخط العنق: بس لازم تضيف المسافة لنقطة الانعكاس.
مهم إنك تعرف إن نمط الرأس والكتف مش بيتأكد غير لما يتكسر خط العنق، بعد كده، بييجي دور الهدف. أنماط الرأس والكتف المعكوسين بيشتغلوا بنفس الطريقة بس في اتجاه تاني.
![التحليل الفني: إزاي تقرأ الرسوم البيانية وتستخدمها في تحليل السوق؟](https://www.bashmohasb.com/wp-content/uploads/2023/04/قمة-الرأس-والكتفان.jpg)
![التحليل الفني: إزاي تقرأ الرسوم البيانية وتستخدمها في تحليل السوق؟](https://www.bashmohasb.com/wp-content/uploads/2023/04/قاع-الرأس-والكتفان.jpg)
المثلثات
لما يبدأ سعر السوق يقرب عند نقطة معينة، بيتشكل نمط اسمه “المثلث”. وده بيدل على احتمالات حركة السعر في المستقبل، في الحقيقة، في 3 أنواع مختلفة من المثلثات.
المثلث الصاعد
بيتشكل لما السوق يوصل لمقاومة قوية أوي، وفي نفس الوقت بيبان من خلال اتجاه نقاط بتنخفض وبتشكل قاعدة، ده بيدل على احتمالية ارتفاع السعر بعد كده، بس لازم تلاحظ إن المقاومة ممكن تكون قوية أوي والسعر يرجع ينزل تاني. في الأغلب، الأفضل إنك تستنى لحد ما يتشكل المثلث، وبعدين تتداول فوق أو تحت النقطة اللي بتخترق.
![التحليل الفني: إزاي تقرأ الرسوم البيانية وتستخدمها في تحليل السوق؟](https://www.bashmohasb.com/wp-content/uploads/2023/04/المثلث-الصاعد.jpg)
المثلث الهابط
بيكون عكس طريقة المثلث الصاعد، بيوصل السوق مستوى من الدعم، بس سلسلة من القمم المنخفضة اللي ورا بعض معناها إن السعر هينخفض.
![التحليل الفني: إزاي تقرأ الرسوم البيانية وتستخدمها في تحليل السوق؟](https://www.bashmohasb.com/wp-content/uploads/2023/04/المثلث-الهابط.jpg)
المثلث المتماثل
بيتشكل المثلث المتماثل لما يبدأ السعر في التقارب مع سلسلة من القمم المنخفضة والقيعان المرتفعة، لازم يكون فيه نمط استمرار، وده معناه إن السعر هيستمر في الأغلب في نفس الاتجاه زي الاتجاه العام، بعد تشكيل النمط. لو مفيش نمط واضح قبل المثلث، غالبًا السوق هيرجع لفوق أو لتحت.
![التحليل الفني: إزاي تقرأ الرسوم البيانية وتستخدمها في تحليل السوق؟](https://www.bashmohasb.com/wp-content/uploads/2023/04/المثلث-المتماثل.jpg)
![التحليل الفني: إزاي تقرأ الرسوم البيانية وتستخدمها في تحليل السوق؟](https://www.bashmohasb.com/wp-content/uploads/2023/04/المثلثات.jpg)
المستطيلات
المستطيلات نمط بيدل على استمرار حركة السعر في الاتجاه الحالي بعد حركة قوية. لما تحصل حركة قوية، بيتم التداول بشكل ضيق بين مستوى الدعم والمقاومة، اللي بيعمل شكل المستطيل. بعد كده، السوق بيميل إنه يستمر في نفس الاتجاه.
![التحليل الفني: إزاي تقرأ الرسوم البيانية وتستخدمها في تحليل السوق؟](https://www.bashmohasb.com/wp-content/uploads/2023/04/المستطيلات.jpg)
الأوتاد
الأنماط دي مش زي المثلثات، الأنماط دي بتتشكل لما السعر بينحصر في نطاق ضيق بين خطين من خطوط الدعم والمقاومة المائلين.
الوتد الصاعد
بيتشكل بين خطين مائلين للصعود، خط الدعم بيكون أكتر حدة من خط المقاومة، النمط ده بيدل عادة على انخفاض السعر بعدين.
![التحليل الفني: إزاي تقرأ الرسوم البيانية وتستخدمها في تحليل السوق؟](https://www.bashmohasb.com/wp-content/uploads/2023/04/الوتد-الصاعد.jpg)
الوتد الهابط
بيتشكل بين اتنين خطوط من المقاومة والدعم المائل للهبوط، خط المقاومة فيه أكتر شدة من خط الدعم، وعادة بيدل إن السعر هيزيد.
![التحليل الفني: إزاي تقرأ الرسوم البيانية وتستخدمها في تحليل السوق؟](https://www.bashmohasb.com/wp-content/uploads/2023/04/الوتد-الهابط.jpg)
مهم: ايه هي مؤشرات الأسهم وإزاي بيتم تداولها في البورصة؟
في النهاية
أنماط الرسم البياني مش بتكون مضمونة، بتدي إشارات عن أماكن محتملة يوصلها السعر في المستقبل، بس مش كل الرسم البياني بيكون مظبوط، فأحسن حاجة إنك تستني لحد ما تتأكد من إتجاه الحركة قبل ما تتداول. في بعض الحالات، لما يكون في احتمال إنه يتجاوز مستوى معين، تقدر تحط طلبات بيع أو شراء بجانب الدعم أو المقاومة، ولو اتحقق الاختراق في أي اتجاه، تقدر تلغي الطلب التاني و تدخل مع الاتجاه. بس الاستراتيجية دي ممكن تتغير فجأة، فأحسن حاجة تحدد نقاط وقف خسارة قبل كل تداول عشان تقلل المخاطر.