البورصة والفوركس مش لعبة: إزاي تعمل خطة للتداول الناجح
![البورصة والفوركس مش لعبة: إزاي تعمل خطة للتداول الناجح](https://bashmohasb.com/wp-content/uploads/2023/04/البورصة-والفوركس-مش-لعبة-إزاي-تعمل-خطة-للتداول-الناجح.jpg)
كل متداول سواء في الأسهم أو في الفوركس أو أي سوق مالي، لازم يكون عنده خطة ناجحة ويتبعها، ودي حاجة كلنا تقريبا سمعناها قبل كدة، في التدوينة دي هتعرف إزاي تعمل خطة للتداول الناجح وإزاي تتابعها، المشكلة اللي بتحصل للمتداولين المبتدئين إنهم بيحاولوا يكتبوا أي حاجة ويقولوا إنها خطة، الخطة الناجحة لازم يكون ليها نظام ودور في ذهن المتداول، وخطوات التداول اللي بتعملها هي اللي هتحافظ عليك وعلى فلوسك من أخطاء التداول المعروفة، ومش بس متداولين الأيام دي بيحتاجوا لخطط التداول، كل المتداولين بيحتاجوا ليها سواء كنت مبتدئ أو خبير.
إقرأ المزيد: أسرار التداول الناجح في البورصة
كتابة خطة التداول وتنفيذها هو سر النجاح
فيه متداولين كتير بيعرفوا يحللوا السوق بطريقة كويسة، ويعرفوا يشتروا ويبيعوا، بس المشكلة إن ده مش كفاية عشان يحققوا أرباح كويسة، والأغلبية مش عارفين ينفذوا الخطة بتاعتهم بطريقة صح، وده اللي بيمنعهم من تحقيق الأرباح، الموضوع بيرتبط بالتغلب على العقبة الأخيرة والأهم في التداول، واللي هي تنفيذ أوامر الشراء والبيع، وبالنسبة لكتير من الناس، الخطة التداولية المكتوبة والمنظمة بتكون مفيدة أوي.
أول مرحلة، أسئلة لازم تسألها لنفسك في البداية
- ايه مميزاتك اللي هتستخدمها عشان تحقق أرباح؟
- هتستخدم متابعة النمط ولا إنعكاس الوسط، ولا الإتنين؟
- هتستخدم التحليل الأساسي والعاطفي ولا الأرقام المجردة؟
- قد ايه فلوس عايز تحققها وقد ايه مستعد تخاطر بيه في خطتك التداولية؟
- أفضل وسيط للتداول، ونوع تداولاتك إيه؟
- إستراتيجية إدارة المخاطر الخاصة بيك إيه؟
- إيه نقاط توقف الخسارة اللي هتستخدمها؟
- اعمل اختبار لسنين كتير قدام، واحسب أفضل وأسوأ سيناريو، هل هتقدر تتحمل الأسوأ؟
- احسب المخاطرة تعمل متوسط كام في المية؟
- كام عملية تداول ممكن تفتحها في نفس الوقت؟
- امتى تدخل وتخرج من التداول؟
- هتدير التداولات المفتوحة ولا لأ؟ وإزاي؟
- كام وقت هتخصصه للتداول؟ هتكون متداول يومي ولا متداول على فترات؟
لما تجاوب علي كل الأسئلة دي، وعايز تبدأ تحضر خطة التداول الناجحة، لازم يكون تركيزك في اجابات الاسئلة دي عالية، وتكون الخطة متكاملة، وترد على كل سؤال بطريقة منطقية ومفهومة.
تاني مرحلة، إزاي تكتب خطة التداول
![البورصة والفوركس مش لعبة: إزاي تعمل خطة للتداول الناجح](https://www.bashmohasb.com/wp-content/uploads/2023/04/تاني-مرحلة،-إزاي-تكتب-خطة-التداول.jpg)
لازم تكتب كل الحاجات اللي تخص خطتك التداولية، مش تنسى اي حاجة، والخطة دي لازم يكون فيها:
- قرار اختيار العملات اللي هتتداول فيها.
- حدد الحد الأعلى لعدد الصفقات اللي ممكن تفتحها في نفس الوقت، وتتحمل المخاطر اللي ممكن تحصل فيها.
- حدد حدود الخساير اللي تقدر تتحملها يوميًا وأسبوعيًا وشهريًا، مثلاً بتقول إنه ممكن تخسر حوالي 2% من حسابك خلال اليوم الواحد، ولو كسرت الحد ده هتوقف التداول باقي اليوم.
- حدد إستراتيجية الدخول في التداول.
- حدد حجم الصفقة ونقطة توقف الخساير.
- كمان حدد لو كنت هتدير التداولات بشكل مستمر أو لأ.
- حدد إستراتيجية الخروج من التداول.
- حدد المواقف اللي هتعتمد عليها في أخد القرارات، زي مثلاً لو السعر ارتفع عن حد معين لمدة ساعة، هل هتفكر في الخروج من نص الوضعية؟ولو مش فوق كده، هل هتستمر في التداول؟
- هتحدد فترات معينة هتراجع فيها التداولات وتقّيم خطة التداول، عشان مش تبقى الخطة دي جامدة وتقدر تعدلها على حسب الضرورة.
تالت مرحلة، مراجعة خطة التداول
لما تخلص جلسة التداول، يعني لما تكون بتتداول كل يوم أو في نهاية الأسبوع، لازم تسجل الملاحظات وتشوف قد ايه انت قادر تلتزم بالخطة اللي حددتها، وهل كانت الخطة التداولية ناجحة، وشاملة كل حاجة ولا لأ، ولو كان في لحظات مش واثق فيها ومتردد، لازم تغير الخطة اللي عملتها وتسمح بالإحتماليات دي.
في أوقات معينة، هتلاقي فيه أجزاء نظرية كويسة في الخطة، بس على أرض الواقع كانت صعبة علي النفسية في الوقت الحقيقي في التعامل مع الفلوس، لازم تفكر صح لو لازم تلاقي طريقة أسهل عشان تعمل الحاجات دي، الخسارة مش حاجة غريبة في تداولات الفوركس، بس ممكن تتعامل بنظام كويس، والمكسب هيجي لوحده.
مهم: أنظمة التداول الفعالة: تقنيات وأساليب عشان تحسن أدائك في السوق المالية
أهم حاجة لازم تراقب إيداعاتك وفلوسك، هل هي كويسة ولا مش كويسة زي اختباراتك اللي عملتها قبل كده؟ لو مش كويسة، يبقى شوف إيه اللي غلط؟ ولازم تعدل الوضع.
باختصار خطة التداول الناجحة هي اللي بتشتغل على المدى الطويل والبعيد، مهم أوي إن المتداول يراجع و يحسّن تداولاته على طول، ده ضروري جدا لكل متداول سواء في الفوركس أو البورصة لو عايزين ينجحوا في عمليات التداول.