إوعى تكون لبست فى البيتكوين يامعلم ! سبب انهيار عملة البيتكوين
![إوعى تكون لبست فى البيتكوين يامعلم](https://bashmohasb.com/wp-content/uploads/2021/08/إوعى-تكون-لبست-فى-البيتكوين-يامعلم-1024x572.jpg)
إوعى تكون لبست فى البيتكوين يامعلم ! ” EASY COME EASY GO ” ودا أكبر درس ممكن نستفاده من عملة البيتكوين .. فعلا .. مافيش حاجه بتيجى بالساهل واى حاجه بتيجى بسرعه برده بتزول بسرعه ..وزى ماوعدناكم قبل كدا اننا هنتابع مع بعض البيتكوين وهنشوف هاتروح فين.
إوعى تكون لبست فى البيتكوين يامعلم
هنتكلم النهارده عن :
- ايه هو أعلي سعر سجله البيتكوين ؟
- انهيار سعر عملة البيتكوين.
- كذلك ايه هو سبب انهيار العملة ؟
ايه هو أعلي سعر سجله البيتكوين ؟
كان اخر مقال كنا بنتكلم فيه كان وصل سعر البيتكوين فيه تقريبا عشر الاف دولار وحذرنا وقتها من الارتفاع الجنونى فى السعر والغير مبرر.
أعلى سعر سجله البيتكوين كان 19666 دولار وكان شهر نوفمبر اللى فات هو بدايه الصعود القوى من سعر7 الاف دولار ..
والنهارده زى ما احنا متابعين وشايفين الخساير اللى بتسجلها البيتكوين يوم ورا التانى،
والسعر من اخر شهر ديسمبر وهو فى انهيار ووصل دلوقتى 7 الاف دولار من تانى.
انهيار سعر عملة البيتكوين
انهار السعر بعد ما طمع الناس وخلى ناس كتير فى مصر تبيع شققها وعربيتها عشان تشترى البيتكوين …
فعلا الكلام دا مش هزار لو كنت دخلت على جروب ” ملتقى بيتكوين العرب “.
فى وقت ماكان البيتكوين كل يوم بيزيد بالاف دولار واللى خلى ناس كتير مهووسه بالبيتكوين كنت هتشوف البوستات اللى الناس كانت بتبيع بيها ممتلكتها عشان البيتكوين ومش بس المصريين ..
كذلك الكويتين كانوا اكتر العرب اللى خسروا فى البيتكوين لانهم فى وقت الصعود تقريبا اشتروا 1.5% من اجمالى العمله.
تقريبا 12 الف مستثمر وخسروا 400 مليون دولار فى الاربع شهور اللى فاتوا ..
سبب انهيار سعر عملة البيتكوين
طبعا احنا قولنا ان سعر البيتكوين زاد كان بسبب الطلب الكتير على العمله دا غير ان كان فيه اكتر من مكان بيع كانوا بيقبلوا البيتكوين فى الشرا ..
انما الانهيار جه بعد ما البنوك المركزيه والحكومات ضيقت على حركه الشرا للبيتكوين، وتحذيرات كتير انها عمله غير مضمونه وان السعر اللى زاد دا ماهو الا فقاعه وهتنفجر ..
وفعلا هو دا اللى حصل دا غير ان كان اكبر 3 بنوك فى العالم وهما “بنك اوف امريكا ” و “سيتى جروب ” و “مورجان تشيز “
قرروا يوقفوا اى عمليات شرا بالبطاقات الائتمانيه للبيتكوين وبكده تكون خسرت البيتكوين 500 مليار دولار فى اخر اربع شهور.
وسعرها انهار اكتر من 70% .. ياترا بعد الخساير الفادحه دى البيتكوين هايقوملها قومه تانى !!
كذلك متنساش تتفرج علي الفيديو ده عشان تعرف أكتر عن البيتكوين :
وعشان تقدر تتعرف علي موضوعات البيتكوين بشكل مستمر تابع قسمنا :
كذلك تابع الموضوعات الجديدة أولًا بأول من خلال صفحتنا علي الفيس بوك :