إزاي ارتفاع أو انخفاض أسعار الفائدة يؤثر على الاستثمار والتضخم والعملات؟
تغييرات سعر الفايدة لأي بنك مركزي بيكون من أهم العوامل اللي بتأثر على سوق الفوركس، وده عشان أي تغيير في الفايدة بيبقى سبب في حركة كبيرة في السوق، وبيبقى مهم أوي إننا نعرف نتوقع حركة السوق لما يحصل تغيير في الفايدة عشان نقدر نحقق أرباح أكبر لما نبتدي نتتداول في السوق، كمان سعر الفايدة بيبقى حاسم للمتداول في سوق الفوركس لأسباب كتير كل ده هنتكلم عنه في تدوينة إزاي ارتفاع أو انخفاض أسعار الفائدة يؤثر على الاستثمار والتضخم والعملات؟، وكمان هنعرف إيه هو تأثير سعر الفايدة في سوق الفوركس.
إقرأ المزيد: إيه هو الفوركس وإزاي أتداول فيه؟
تأثير الفائدة على قيمة العملة
لما الفايدة بتزيد في أي بلد، بيزيد الاهتمام بعملتها والناس بتبقى عايزه تشتريها، أسعار الفايدة العالية بتجذب المستثمرين الأجانب وبتزود الطلب على العملة، وبكدا بترفع قيمة العملة دي، والبنك المركزي بيتحكم في السياسة النقدية للبلد، وبيحدد فايدة البنوك التجارية، وبينزل سعر الفايدة في حالة الإنكماش في السوق عشان يشجع الاستثمار، وبيزود سعر الفايدة في حالة التضخم عشان يحد منه ويحقق الاستقرار الاقتصادي.
في أغلب الوقت البنك المركزي لما يحدد سعر الفايدة بيتأكد من أهم المؤشرات الاقتصادية اللي بتخص البلد، زي مؤشر أسعار الحاجات الأساسية، الإنفاق الإستهلاكي، نسبة البطالة، سوق العقارات والإسكان وغيرهم.
تأثير التضخم على سعر الفايدة
واحد من أهم الحاجات اللي بيأثر على فايدة البنوك هو تضخم الأسعار اللي بيتقاس بمؤشر أسعار المستهلكين، فلو التضخم زاد كتير بيكون سلبي على الاقتصاد، بالذات لو تجاوز الناتج المحلي الإجمالي للدولة، البنوك المركزية هنا بيحاولوا يسيطروا على التضخم من خلال مراقبة مؤشرات زي مؤشر أسعار المستهلكين والانفاق الاستهلاكي.
لما تزيد الفايدة بتزيد قيمة العملة، ولما تنزل الفايدة بتنزل قيمتها، وده بيأثر على الفوركس وبتقدر تستخدم معدلات الفايدة عشان تعرف أي عملة أحسن، وتبدأ تقارن بين الدول.
في الختام
لازم تعرف انك لو كنت جديد في الفوركس ضروري تهتم بمعدلات الفايدة عشان تقدر تاخد أعلى ربح، بس ده مش معناه انك تركز بس على معدلات الفايدة، لأن في الحقيقة في أساسيات تانية لازم تتعلمها عشان تقدر تتداول بنجاح، معدلات الفايدة بتأثر على العملات أه، بس لازم تتأكد كمان من حاجات زي التحليل الاقتصادي والسياسي والتجاري، وأخبار العالم، عشان تقدر تفهم السوق كويس.
مهم: ازاي تتداول وتدير رأس مالك في الفوركس؟
وأخيرا، ممكن معدلات الفايدة تكون عامل مهم بس مش العامل الوحيد، فلازم تحلل وتدير المخاطرة بطريقة كويسة، وتكون متعلم صح وعارف كويس قبل ما تاخد أي قرارات في التداول.