أيام المبيعات المعلقة (DSO) – ازاي تعرف المدة الأفضل لتحصيل الديون؟

أيام المبيعات المعلقة “Days Sales Outstanding” بتشير للمدة المتوسطة اللي بتاخدها الشركة أو الأعمال التجارية عشان تحصَّل مبيعاتها على الائتمان لنقدية أو تجمع المبالغ المستحقة من العملاء، بيتم التعبير عنها بعدد الأيام اللي بتاخدها الشركة اللي بتبيع بالأجل عشان يستردوا فلوسهم.

أيام المبيعات المعلقة هي الجسر ما بين المبيعات والتحصيل الناجح.

حساب أيام المبيعات المعلقة بيكون كل شهر أو ربع سنة أو سنة، الشركات بتعرف بسرعة تجمع النقدية لمبيعاتها على الآجل، بالإضافة لكدا بتساعد الشركات في توازن التدفقات النقدية، وبكده بتحافظ على عدم نقص السيولة عندها على المدى الطويل.

أهم النقاط

أيام المبيعات المعلقة (DSO) هي المدة المتوسطة اللي بتحتاجها الشركات عشان تجيب فلوسها من حسابات العملاء المستحقة أو من مبيعاتها على الآجل.
لو قيمة أيام المبيعات المعلقة منخفضة، ده يبين إن الشركة في وضعية كويسة في السوق، ولو قيمتها عالية معناه إن التدفقات النقدية نادرة بالنسبة للشركة.
فكرة قيمة النقود على المدى الزمني بتوضح معنى “أيام المبيعات المعلقة” وأهمية النقدية المتوفرة في الوقت الحالي.
قيمة أيام المبيعات المعلقة الكويسة أو السيئة بالنسبة للشركة بتعتمد على القطاع أو الصناعة اللي الشركة شغاله فيه.

فهم أيام المبيعات المعلقة (DSO)

أيام المبيعات المعلقة (DSO) بتحدد عدد الأيام المتوسطة اللي الشركات بتاخد فيها فلوسها عن البضائع والخدمات اللي بتعملها على الآجل، الـ”DSO” هي واحدة من المؤشرات الأساسية لأي شركة وبتساعدها تقَّيم التدفقات النقدية على فترة زمنية.

لو قيمة الـ”DSO” منخفضة يبقى الشركة بتستلم النقدية بشكل متكرر عن مبيعاتها على الآجل، وده معناه إنها بتحسب دورة التحويل النقدي بطريقة فعالة، ولو كانت قيمة الـ”DSO” عالية، يبقى ده معناه إن التدفق النقدي بيكون نادر بالنسبة للشركة، وده بيأثر على أدائها المالي على المدى الطويل.

تفسير أيام المبيعات المعلقة

فكرة أيام المبيعات المعلقة بتستند على حاجة النقدية في الوقت الحالي وقيمتها على المدى الطويل، يعني لو كانت النقدية اللي الشركة بتستلمها بسرعة بتكون أحسن. بس عشان نحكم إيه النطاق الجيد أو السيئ لـ “أيام المبيعات المعلقة” لازم نشوف القطاع اللي الشركة فيه.

قيمة عالية لـ”DSO” في قطاع ممكن تكون قيمة منخفضة في قطاع تاني، يعني قيمة “أيام المبيعات المعلقة” الجيدة أو السيئة بتتغير من قطاع للتاني، مثلا متوسط أيام المبيعات المعلقة لشركات الخصم زي “دولار جنرال” و “بيرلينجتون ستورز” بيبقى حوالي 4 أيام، بس في المقابل، القيمة بتبقى غير متوقعة ومنخفضة في قطاع النفط والغاز وبتبقى بين 50 و130 يوم.

معادلة أيام المبيعات المعلقة (DSO)

معادلة الأيام المعلقة في المبيعات لحساب متوسط عدد الأيام اللي بتحتاجها الشركات لتحصيل مدفوعاتها المستحقة هي:

أيام المبيعات المعلقة “DSO” = (حسابات القبض / صافي مبيعات الائتمان) * 365

مثال توضيحي علي أيام المبيعات المعلقة

حققت شركة “Xing” إجمالي مبيعات ائتمانية 500,000 دولار في السنة، وعائدات مبيعات 50,000 دولار، وحسابات مستحقة القبض بقيمة 90 ألف دولار. احسب الـ”DSO” للتحقق من توازن دورة التحويل النقدي.

حساب أيام المبيعات المعلقة لشركة “Xing”:

عشان إجمالي مبيعات الائتمان وعائد المبيعات معروفين، قامت شركة “Xing” بحساب صافي مبيعات الائتمان الخاصة بيها.

صافي مبيعات الائتمان = إجمالي مبيعات الائتمان – عائد المبيعات.
= 500,000 دولار – 50,000 دولار.
= 450,000 دولار.

دلوقتي استخدمت الشركة حسابات القبض وصافي مبيعات الائتمان وباستخدام معادلة الـ”DSO”:

DSO = (حسابات القبض / صافي مبيعات الائتمان) * 365.
= (90.000 / 450.000) * 365.
= 73 يوم.

بكدا أيام المبيعات المعلقة اللي بتستغرقها شركة “Xing” لاسترداد فلوس مبيعاتها الائتمانية هو 73 يوم.

الفرق بين أيام المبيعات المعلقة ومعدل دوران حسابات القبض

أيام المبيعات المعلقة (DSO) – ازاي تعرف المدة الأفضل لتحصيل الديون؟ — الفرق بين أيام المبيعات المعلقة ومعدل دوران حسابات القبض

أيام المبيعات المعلقة “DSO” ومعدل دوران حسابات القبض، مؤشرين رئيسين لأداء أي بيزنس:

أيام المبيعات المعلقة: هي متوسط عدد الأيام اللي بتاخدها الشركات لتحصيل النقدية عن مبيعاتها على الآجل.
معدل دوران حسابات القبض: فهي متوسط عدد المرات لاستلام النقدية عن الحسابات المدينة على مدار فترة محددة.

لما يكون الـ”DSO” منخفضة بالنسبة للشركة ده بيشير لأداء جيد، ولو كان معدل دوران حسابات القبض منخفض ده معناه تدفق نقدي قليل، ودي مش حاجة كويسة لأي شركة في أي قطاع أو صناعة. لو كانت فترة الشركة لاسترداد قيمة السلع والخدمات المباعة بالائتمان منخفضة، ده معناه إن التدفق النقدي متكرر وسريع ونسبة دوران حسابات القبض في المستوى المطلوب.

معادلة حساب معدل دوران حسابات القبض هي:

معدل دوران حسابات القبض = صافي مبيعات الائتمان / متوسط حسابات القبض

ايه هي أيام المبيعات المعلقة (DSO)؟

الـ”DSO” هي المدة المتوسطة اللي الشركات بتحتاجها عشان تجمع فلوس المبيعات اللي بتبيعها للعملاء على الآجل. لو قيمة الـ”DSO” منخفضة، ده معناه إن الشركة بتستلم النقدية بانتظام وفي المواعيد المحددة، بكدا الشركة في وضعية جيدة في السوق.
بس لو الوضع عكس كده والـ”DSO” عالية، معناه إن فيه أيام كتير عشان الشركة تجمع النقدية من المبيعات على الآجل، ده معناه إن الشركة سمعتها في السوق بتتأثر بشكل سلبي. بس في نفس الوقت القيمة العالية للـ”DSO” بالنسبة لقطاع معين ممكن تكون قيمة منخفضة لقطاع تاني والعكس صحيح.

ازاي بيتم حساب أيام المبيعات المعلقة (DSO)؟

لحساب الـ”DSO” بيتم قسمة الحسابات المدينة على صافي مبيعات الائتمان ونضرب الناتج اللي حصلت عليه في 365، وهو ده شكل المعادلة:

DSO = حسابات القبض / صافي مبيعات الائتمان ) * 365

وعشان تحسب صافي مبيعات الائتمان:

صافي مبيعات الائتمان = إجمالي مبيعات الائتمان – عائد المبيعات

ازاي نحسَّن نسبة أيام المبيعات المعلقة (DSO)؟

عشان تحسَّن قيمة الـ”DSO” لازم الشركة تتأكد إنها بتستلم الدفعات في المواعيد المحددة وبشكل متكرر، وده بيتم من خلال اتباع بعض الإجراءات زي:

وضع شروط دفع صارمة.
متابعة ومعرفة الحالة الحالية لقيمة الـ DSO.
الحذر في عمليات المبيعات على الآجل.
وضع خطط عمل صارمة للتعامل مع عدم الدفع أو التأخير في الدفع.
محاولة تحصيل النقدية مقدم.
تقديم خيارات دفع أفضل.
إتاحة خيارات دفع متعددة للعملاء.

مهم: التنبؤ بالمبيعات: أساليب وطرق عشان تعرف النتيجة قبل ما تحصل

في النهاية

لازم تعرف إن أيام المبيعات المعلقة مهمة جدًا في إدارة التدفقات المالية للشركة. بتحدد امتى هتاخد فلوسك وبتساعدك تخطط للمستقبل بشكل أفضل. بالتوازي مع ده، لازم تكون علي علم بوضع العملاء وتعاملهم بطريقة تتناسب مع وضعياتهم المالية واحتياجاتهم.